Skip to main content

Posts

Showing posts from January, 2013

ප්‍රේමයෙන් බර වෙලා

එළිපත්ත උඩ නටන
මැද මහේ සඳ එළිය
නුඹේ මුහුණට හුඟක් ලං වෙලා
පංසලේ පිංකමේ
හිනා උනු මල නුඹය
සෙනෙහ බව කියන්නත් බැරි උනා

බිම වැටුනු සඳ එළිය
මුමුණනා කසු කුසුව
නුඹේ මුදු සිනා හඩ විසිරුවා
ආදරෙන් බර වෙලා
මගේ හදවත බෝම
නුඹේ මතකෙන් නිතර ඇවිලෙනා

පිණි ඉසුණු තණ බිස්ස
සිප ගන්න කොට දෙපය
නුඹේ කිං කිණි හඩද සිත් උනා
ප්‍රේමයෙන් බර වෙලා
මගේ හදවත බෝම
නුඹේ මතකේ ලඟම දැවටෙනා