Skip to main content

Posts

Showing posts from February, 2012

සරලා (2)

බිඳක් වියපත් උනත් සරලා
ප්‍රේමයේ කඳුලකින් තෙමිලා
නෙතෙහි කඳුළැලි හෙමින් මැකිලා
තවම මම හිටි තැනම සරලා

පොඩි එවුන් නුඹ වටේ දුවලා
කියද්දී අම්මා කියාලා
ජීවිතේ තව දුරට හිතලා
හීන මැවෙනව නොවෙද සරලා

දහක් බාධක වටේ පිරිලා
අදිද්දී දෙපසටම කරලා
මගේ කවි පොත කීතු කරලා
ගියා මතකේ ඇතිද සරලා

කාලයෙන් කාලයට ඇදිලා
සරල නුඹ මා තමයි සරලා
ගැටලූ ලිහිලා දුකත් මිදිලා
දිනා ඇත අපි ලොවම සරලා

ඈ කියනා හෙට දවසක් නම් නොඑනා

හිරු එළියේ ඈ තාමත් තරු ගණිනා
ඇගෙ සැලෙනා ඇස් තාමත් කවි කියානා
රන් හුය විසි වී කඳුළින් දින ගණිනා
ඈ කියනා හෙට දවසක් නම් නොඑනා

මුහුණ බලන්නට ආසයි
තහංචි ඈ වට බෝමයි
ගැන ගැන දින ගෙවිලා යයි
බලා පොරොත්තුව විතරයි

සෙනේ දෙවන්නට ආසයි
සිහිනය පමනක් යාවෙයි
කාලය සැනෙකින් පියඹයි
හෙට, දවසක් එන් නෑමයි

හොඳම දින නුඹ දකින්නට

හොඳම දින නුඹ දකින්නට අද
හොඳම දින හඩ අසන්නට නුඹ
ඒ මගේ හිතටයි............
මගෙ හිතට පමනයි..........

දහක් ඇත අද නුඹ වටා
සතුටු වනු ඇත හිත පුරා
ඈත සිට හදවතින් බලලා
සතුටු වෙමි මම හිත පුරා

නිහඩ බව ඇත මා වටා
සවන බිහිරිව ඇති නිසා
ඈත සිට හදවතින් බලලා
සතුටු වෙමි මම හිත පුරා

දුටිමි පෙති යයි වියැකිලා.......

අරුත් ගුණ නැති එකම කුසුමක
දුටිමි පෙති යයි වියැකිලා.......
විසල් පොළවක කොතෙක් ඇතිවද
මෙවන් මල් ලොව පීදිලා....

විහිද සුසුවද පීදෙනා මල්
පිනි දියෙන් පොහොසත් කලා...
කටු අකුල් වල පිපුණු තරු මල්
ඉඩෝරයටම හසු උනා.............

පිබිද සීනෙන් පීදෙනා කල්
මුලාවෙන් හිත මත් කලා............
ඒ තෙපුල් මත තිබුනු හුරතල්
පිපි තැනම පරවී ගියා.....

වියපත් සෙනෙහස

වියපත් සෙනෙහස
පියපත් අරගෙන.....
මතක මං පෙතේ ඉගිලේ......
රසවත් තැන් කොතරම් තිබුනත් ඉන්
අද කඳුළැල් ඉතිරේ......

සඟවා පපුතුර අවසන් සෙනෙහස
සමුගන්නට සිතමි....
වැලපිලි, ගැරහිලි, නිගා දෙවයි පෙම
හදවත මහ බරකි........
කඳුලැලි හිත රගති.....

නොවනා නිම් හිමි් මතකය සැනෙකින්
මියයන්නට පතමි.....
සළු පිලි සැරසිලි දමා යළි පෙම
සරසනු මට නොහැකි......
ප්‍රේමය ඉරි තැලූනි......